Dvadasa jyothirlinga stotram in Telugu | pujalu nomulu vratalu

         Dvadasa jyothirlinga stotram in Telugu

 Dvadasa jyothirlinga stotram in Telugu

1.సౌరాష్ట్రదేశే విశదేఽతిరమ్యే జ్యోతిర్మయం చంద్రకళావతంసమ్ |

  భక్తప్రదానాయ కృపావతీర్ణం తం సోమనాథం శరణం ప్రపద్యే ||

2.శ్రీశైలశృంగే వివిధప్రసంగే శేషాద్రిశృంగేఽపి సదా వసంతమ్ |

   తమర్జునం మల్లికపూర్వమేనం నమామి సంసారసముద్రసేతుమ్ ||

3.అవంతికాయాం విహితావతారం ముక్తిప్రదానాయ చ సజ్జనానామ్ |

   అకాలమృత్యోః పరిరక్షణార్థం వందే మహాకాలమహాసురేశమ్ ||

4.కావేరికానర్మదయోః పవిత్రే సమాగమే సజ్జనతారణాయ |

   సదైవ మాంధాతృపురే వసంతం ఓంకారమీశం శివమేకమీడే ||

5.పూర్వోత్తరే ప్రజ్వలికానిధానే సదా వసం తం గిరిజాసమేతమ్ |

   సురాసురారాధితపాదపద్మం శ్రీవైద్యనాథం తమహం నమామి ||

6.యామ్యే సదంగే నగరేఽతిరమ్యే విభూషితాంగం వివిధైశ్చ భోగైః |

   సద్భక్తిముక్తిప్రదమీశమేకం శ్రీనాగనాథం శరణం ప్రపద్యే ||

7.మహాద్రిపార్శ్వే చ తటే రమంతం సంపూజ్యమానం సతతం మునీంద్రైః |

   సురాసురైర్యక్ష మహోరగాఢ్యైః కేదారమీశం శివమేకమీడే ||

8.సహ్యాద్రిశీర్షే విమలే వసంతం గోదావరితీరపవిత్రదేశే |

   యద్దర్శనాత్ పాతకం పాశు నాశం ప్రయాతి తం త్ర్యంబకమీశమీడే ||

9.శ్రీతామ్రపర్ణీజలరాశియోగే నిబధ్య సేతుం విశిఖైరసంఖ్యైః |

   శ్రీరామచంద్రేణ సమర్పితం తం రామేశ్వరాఖ్యం నియతం నమామి ||

10.యం డాకినిశాకినికాసమాజే నిషేవ్యమాణం పిశితాశనైశ్చ |

    సదైవ భీమాదిపదప్రసిద్ధం తం శంకరం భక్తహితం నమామి ||

11.సానందమానందవనే వసంతం ఆనందకందం హతపాపబృందమ్ |

     వారాణసీనాథమనాథనాథం శ్రీవిశ్వనాథం శరణం ప్రపద్యే ||

12.ఇలాపురే రమ్యవిశాలకేఽస్మిన్ సముల్లసంతం చ జగద్వరేణ్యమ్ |

     వందే మహోదారతరస్వభావం ఘృష్ణేశ్వరాఖ్యం శరణం ప్రపద్యే ||

      ||జ్యోతిర్మయద్వాదశలింగకానాం శివాత్మనాం ప్రోక్తమిదం క్రమేణ |

        స్తోత్రం పఠిత్వా మనుజోఽతిభక్త్యా ఫలం తదాలోక్య నిజం భజేచ్చ ||

Click here to download

1.Dvadasa jyothirlinga stotram in Telugu