Sree Vishnu stavaraja in Telugu | Pujalu nomulu vratalu

               Sree Vishnu stavaraja in Telugu

                Sree Vishnu stavaraja  

  పద్మోవాచ

1.యోగేన సిద్ధవిబుధైః పరిభావ్యమానం

  లక్ష్మ్యాలయం తులసికాచితభక్తభృంగమ్ |

  ప్రోత్తుంగరక్తనఖరాంగుళిపత్రచిత్రం

  గంగారసం హరిపదాంబుజమాశ్రయేఽహమ్ ||

2.గుంభన్మణిప్రచయఘట్టితరాజహంస

  సింజత్సునూపురయుతం పదపద్మవృందమ్ |

  పీతాంబరాంచలవిలోలచలత్పతాకం

  స్వర్ణత్రివక్రవలయం చ హరేః స్మరామి ||

3.జంఘే సుపర్ణ గళ నీలమణిప్రవృద్ధే

  శోభాస్పదారుణమణిద్యుతిచుంచుమధ్యే |

  ఆరక్తపాదతలలంబనశోభమానే

  లోకేక్షణోత్సవకరే చ హరేః స్మరామి ||

4.తే జానునీ మఖపతేర్భుజమూలసంగ-

  రంగోత్సవావృత తటిద్వసనే విచిత్రే |

  చంచత్పతత్రిముఖనిర్గతసామగీత

  విస్తారితాత్మయశసీ చ హరేః స్మరామి ||

5.విష్ణోః కటిం విధికృతాంతమనోజభూమిం

  జీవాండకోశగణసంగదుకూలమధ్యామ్ |

  నానాగుణప్రకృతిపీతవిచిత్రవస్త్రాం

  ధ్యాయే నిబద్ధవసనాం ఖగపృష్ఠసంస్థామ్ ||

6.శాతోదరం భగవతస్త్రివళిప్రకాశ-

  మావర్తనాభివికసద్విధిజన్మపద్మమ్ |

  నాడీనదీగణరసోత్థసితాంత్రసింధుం

  ధ్యాయేఽండకోశనిలయం తనులోమరేఖమ్ ||

7.వక్షః పయోధితనయాకుచకుంకుమేన

  హారేణ కౌస్తుభమణిప్రభయా విభాతమ్ |

  శ్రీవత్సలక్ష్మ హరిచందనజప్రసూన-

  మాలోచితం భగవతః సుభగం స్మరామి ||

8.బాహూ సువేషసదనౌ వలయాంగదాది-

  శోభాస్పదౌ దురితదైత్యవినాశదక్షౌ |

  తౌ దక్షిణౌ భగవతశ్చ గదాసునాభ

  తేజోర్జితౌ సులలితౌ మనసా స్మరామి ||

9.వామౌ భుజౌ మురరిపోర్ధృతపద్మశంఖౌ

   శ్యామౌ కరీంద్రకరవన్మణిభూషణాఢ్యౌ |

   రక్తాంగుళిప్రచయచుంబితజానుమధ్యౌ

   పద్మాలయాప్రియకరౌ రుచిరౌ స్మరామి ||

10.కంఠం మృణాళమమలం ముఖపంకజస్య

    రేఖాత్రయేణ వనమాలికయా నివీతమ్ |

    కింవా విముక్తివశమంత్రకసత్ఫలస్య

    వృత్తం చిరం భగవతః సుభగం స్మరామి ||

11.వక్త్రాంబుజం దశనహాసవికాసరమ్యం

   రక్తాధరోష్ఠవరకోమలవాక్సుధాఢ్యమ్ |

   సన్మానసోద్భవచలేక్షణపత్రచిత్రం

   లోకాభిరామమమలం చ హరేః స్మరామి ||

12.సూర్యాత్మజావసథగంధమిదం సునాసం

    భ్రూపల్లవం స్థితిలయోదయకర్మదక్షమ్ |

    కామోత్సవం చ కమలాహృదయప్రకాశం

   సంచింతయామి హరివక్త్రవిలాసదక్షమ్ ||

13.కర్ణోల్లసన్మకరకుండలగండలోలం

    నానాదిశాం చ నభసశ్చ వికాసగేహమ్ |

    లోలాలకప్రచయచుంబనకుంచితాగ్ర

    లగ్నం హరేర్మణికిరీటతటే స్మరామి ||

14.ఫాలం విచిత్రతిలకం ప్రియచారుగంధం

    గోరోచనారచనయా లలనాక్షిసఖ్యమ్ |

    బ్రహ్మైకధామమణికాంతకిరీటజుష్టం

    ధ్యాయే మనోనయనహారకమీశ్వరస్య ||

15.శ్రీవాసుదేవచికురం కుటిలం నిబద్ధం

    నానాసుగంధికుసుమైః స్వజనాదరేణ |

    దీర్ఘం రమాహృదయగాశమనం ధునంతం

    ధ్యాయేఽంబువాహరుచిరం హృదయాబ్జమధ్యే ||

16.మేఘాకారం సోమసూర్యప్రకాశం

    సుభ్రూన్నాసం శక్రచాపోపమానమ్ |

    లోకాతీతం పుండరీకాయతాక్షం

    విద్యుచ్చేలం చాశ్రయేఽహం త్వపూర్వమ్ ||

17.దీనం హీనం సేవయా దైవగత్యా

   పాపైస్తాపైః పూరితం మే శరీరమ్ |

   లోభాక్రాంతం శోకమోహాదివిద్ధం

   కృపాదృష్ట్యా పాహి మాం వాసుదేవ ||

18.యే భక్త్యాఽద్యాం ధ్యాయమానాం మనోజ్ఞాం

    వ్యక్తిం విష్ణోః షోడశశ్లోకపుష్పైః |

    స్తుత్వా నత్వా పూజయిత్వా విధిజ్ఞాః

    శుద్ధం ముక్తా బ్రహ్మసౌఖ్యం ప్రయాంతి ||

    పద్మేరితమిదం పుణ్యం శివేన పరిభాషితమ్ |

19.ధన్యం యశస్యమాయుష్యం స్వర్గ్యం స్వస్త్యయనం పరమ్ ||

20.పఠంతి యే మహాభాగాస్తే ముచ్యంతేఽహసోఽఖిలాత్ |

    ధర్మార్థకామమోక్షాణాం పరత్రేహ ఫలప్రదమ్ ||

click here to download

1.Sree Vishnu stavaraja in Telugu